ماتنتسي يلي اسماك أعصومة..
نقنك عظيم و جيبتك متمومة
ما تنتسي...
نقنك عصام..
ونقنك ضي يضوي ف الظلام..
عليك لو أندق الطبل ما نلتام..
وأبكيت لين ماحَنْ الليل أنجومه..
يا غزال الوادي..
غير الغزال شرَاد وأنت هادي..
و يا طول ما دفعت عن بوهادي..
أنت وضنا عمك طيور الحومة...
اللي وين تندهم أيجوا جرَادي..
امنين العدَو كثف عليك أهجومه..
و اللي ف البريقة طايحين نظادي..
هاذيم هم أرجالك عادَين اللومة...
والله ما ننساكم..
دوم خاطري جابد علي مدعاكم..
أحني وطنا ظلَم بعد فرقاكم..
باتك قمر وأنتم الليل أنجومه...
والله ما تاكلهم..
يا تراب لو تعرف عوايد هلهم..
ضنا فاطمة لأشراف من منزلهم..
أولاد العقيد اللي أشداد أعزومه..
اللي راس لمقينص منازل هلهم..ضرابة
الغزال اللي أرقاق أسهومه..
اللي يفرحوا بالضيف كان وصلهم..
أيجي لي بيتهم خير من فنادق روما..
اللي عالظهاري مالهم وإيبلهم..
وعاشوا أفندية من غير حكومة...
وما تنتسي يلي اسماك أعصومه .
موضوع: اخر كلمات الشهيد البطل المعتصم بالله القذافي لوالدة 
الجمعة ديسمبر 30, 2011 4:19 am
